自选即劏刺身│体验鱼市场 居酒屋 文化 @Dining娜


54人参与 |分类: B优生活|时间: 2020-08-01
(Presented by 鸣门鱼市场居酒屋)

Photo:Barry

唔少香港人都被日本嘅鱼市场同 居酒屋 文化所吸引,因为气氛热闹、轻鬆,客人又可以同寿司师傅互动、交谈。嚟到鸣门鱼市场居酒屋,正正就畀人置身于日本居酒屋嘅感觉,墙上贴满一道道是日精选或厨师推介嘅菜式、小食,再加上一幅幅怀旧海报,东瀛风味十足。

鸣门以新鲜嘅刺身、寿司驰名,每日有多款飞机货空运到店,新鲜度满分。另外,锺意饮清酒嘅朋友,呢度选择都好多。一班friend依家仲有多一个原因嚟鸣门食饭,因为呢度推出咗「食$100送$100现金券」优惠;VIP更可以「食$100送$200现金券」,超抵!有着数,我Dining娜当然马上喺群组嗌咪约饭局啦!

每日20款飞机货刺身到店

新鲜肥美当造嘅刺身、寿司,一直係鸣门嘅必食热选。皆因佢哋每日有廿几款来自九州、福冈、北海道等地嘅飞机货刺身空运到店,特别嘅要数爱女鱼、胡椒鲷、金时鲷、水母等;师傅会因应时令而挑选当造鲜鱼,所以味道特别鲜甜,油脂丰富;因应季节,又会多选贝壳类海产,种类多元化。

自选即劏刺身│体验鱼市场 居酒屋 文化 @Dining娜
鱼市场刺身拼盘(时价) 三文鱼、爱女鱼、胡椒鲷、活赤贝等,每日空运到店,部分更係即叫即劏,新鲜肥美。
自选即劏刺身│体验鱼市场 居酒屋 文化 @Dining娜
三色饭(海胆、拖罗蓉、三文鱼)$168 师傅特别挑选3大人气刺身炮製三色饭,满足三心两意嘅朋友。

店内特设鲜鱼架,展示十几款每天空运嘅「是日靓鱼」,客人如果对鲜鱼唔熟悉,可以向师傅了解,佢哋会推介客人锺意嘅浓淡口味同质感,客人可随自己喜好挑选靓鱼,师傅收柯打就即劏製作刺身,十足十日本嘅鱼市场咁。

自选即劏刺身│体验鱼市场 居酒屋 文化 @Dining娜
鲜鱼架每日展示十几款即日空运嘅「是日靓鱼」,客人睇中可以叫师傅即劏做刺身,好有日本鱼市场风味。
自选即劏刺身│体验鱼市场 居酒屋 文化 @Dining娜
豪华寿司拼盘 $328 海胆、赤海虾、三文鱼腩、中拖罗等一共十几款寿司,来自九州、北海道等地,肉质鲜嫩爽甜。
自选即劏刺身│体验鱼市场 居酒屋 文化 @Dining娜
牛油果加州卷 $68 里面有牛油果、熟虾、青瓜,口感爽腍俱备,滋味~

居酒屋 怎少得清酒、下酒菜

讲明係 居酒屋 ,日本清酒款式也特别多,包括多款纯米大吟酿、大吟酿,各有不同味道个性。饮清酒的话,又点少得下酒菜?单係串烧足有廿几款,烧和牛、牛舌、豚肉露笋卷、免治鸡软骨串等等,都係大热烧物!另外,推介嗜牛朋友安格斯牛肉眼,肉质软腍多汁,送酒一流。当然,唔饮酒,边食边倾偈一样过瘾。

自选即劏刺身│体验鱼市场 居酒屋 文化 @Dining娜
「久美之浦」纯米大吟酿,味道香醇丰富,口感带微辛。
自选即劏刺身│体验鱼市场 居酒屋 文化 @Dining娜
串烧拼盘(左起):豚肉露笋卷、免治鸡软骨串、和牛、京葱鸡肉、牛舌(各$28 – 58) 串烧有廿几款选择,即叫即烧,配清酒一齐食最过瘾!
自选即劏刺身│体验鱼市场 居酒屋 文化 @Dining娜
安格斯牛肉眼 $168 肉眼牛扒煎至外脆香口,放上铁板热辣辣上枱;再蘸加入黑椒同芝麻嘅烧汁一齐食,惹味juicy。
自选即劏刺身│体验鱼市场 居酒屋 文化 @Dining娜
座位间隔好有日本当地居酒屋嘅风味
自选即劏刺身│体验鱼市场 居酒屋 文化 @Dining娜
睇店内poster都见到有多款清酒同啤酒

鸣门鱼市场居酒屋

荃湾店:杨屋道1号荃新天地一期UG37号舖(港铁荃湾站)(2941 0590)

旺角店:染布房街12-14A依利大厦地下B号舖(港铁旺角站D2出口)(2392 6106)

西环店:西营盘第一街8号缙城峰地下2号舖(港铁西营盘站B1出口)(2640 1000)

鸣门割烹料理

地址:九龙湾宏照道33号国际交易中心2楼2号舖

电话:2796 7788

日和号寿司料理

地址:九龙湾宏照道38号Megabox 10楼5号舖

电话:2359 0025

备注:收现金及信用卡,设加一

*「食$100送$100现金券」、「VIP食$100送$200现金券」优惠可于下次晚市使用,只限荃湾店、九龙湾鸣门割烹料理、九龙湾日和号寿司料理。